峇里印尼餐廳 元朗

峇里印尼餐廳 評價 相片

睇咗食評，去試吓。

星期日晚六點半到，仲有檯。

七點就要等位。

有印尼、有地道中式食物，叫哂印尼食物，特色Ｄ。

印尼古法烤魚：$58，算幾新鮮，啖啖肉，上面鋪滿醬汁，幾特別，最正係個辣椒豉油，甜中帶辣，好香、好有口感。

串燒沙爹：三串豬加三串雞，好有肉香味，唔乾、好鬆化，個沙爹醬整得好有花生味，好香口、好惹味。

炒通菜：好夠味，正！印尼炒飯：甜甜地，唔係好夠味，仲濕濕地，有Ｄ失望。

共$175。

下次真係要試肉骨茶。

好期待。

今日一早去元朗做野﹗食個早餐﹗行行下見到呢間餐廳個招牌，心諗︰「印尼餐廳o既早餐係點架呢？」就去搵啦﹗講真餐廳o既位置唔係大街﹗而係係d横街果度﹗我電話帶同事黎都難帶﹗入到去服務態度都幾好架﹗間餐廳都幾大幾舒服﹗我叫左個沙嗲牛肉面，餐肉蛋同牛油多士，凍檸茶﹗先黎個牛油多士，一拎起手...唔知係咪佢整漏左半件定係特登啦﹗個多士半塊係方包半塊係多士，但食落口有種好特別o既感覺，好搞笑﹗講到個面﹗真係好大碗﹗d牛肉又整得幾好食﹗杯凍檸茶又好飲﹗最重要就係凍飲唔洗加錢﹗飽飽行出門口都係$19﹗食得過~^^~

老實講，呢間印尼餐廳我係由細細個已經有幫襯，大大話話都幫襯左十幾廿年，因為阿媽係印尼華僑，最鍾意食正宗印尼菜，所以每次去到元朗都必定幫襯。

誠意推介大家試下黃薑飯或者印尼雜錦飯，份量足之餘配菜亦非常豐富；其次仲有沙嗲、牛肉餅同巴東牛肉都不容錯過。

如果唔係呢間餐廳位於小巷之中，以佢地食物的美味程度，斷不至搞到要推出中餐黎招徠客人咁慘。

近兩三個月忙到甩轆,期間約某老友晚飯兩次,佢都係適逢返大陸開心,所以直到今晚我先再約到佢。

七點同佢一定大細到達,可能時間尚早,場內顧客較稀少。

叫【咖哩雞、薑蔥魚腩煲、肉骨茶、炒雜菜、串燒、酸辣倉魚及四碗白飯。

】場內侍應幾細心,我叫肉骨茶大碗,侍應小姐話中碗已經夠飲。

期間成日執下,及添加茶水。

場內冷氣唔夠,油煙容易聚集,易致衣服染有大陣味,空氣系統問題要改善。

至九時左右客開始多,但係都未至於爆滿,但見都有好多熟客。

呢間食肆咁多年,生意見佢麻麻都支撐到咁耐,真係好佩服佢經營之道。

下次我都一定會再幫襯,環境闊落,中印菜式選擇多,口味道偏淡唔油膩較健康,價錢平又服務唔錯。

尋日食左2個se廿dinner,1個係全餐,另1個係巴東餐.全餐多野食過巴東餐好多好多,不過佢d野就唔係咁熱,唔知佢係唔係for d印度人用手食呢@@不過都ok喇!!

峇里印尼餐廳餐單提供印尼菜等推介美食位於元朗區，餐廳座位數100人均消費約$51-100，結賬可以用Visa,Master,現金。

您對於元朗餐廳「峇里印尼餐廳」有何 comment？

峇里印尼餐廳餐廳詳細資料：

• 峇里印尼餐廳地址:
  元朗安樂路1A-5A水車館里明珠樓地下
  峇里印尼餐廳,  
• 峇里印尼餐廳電話:  
• 峇里印尼餐廳價錢: $51-100
• 分類: 印尼菜
• 座位: 100
• 付款: Visa,Master,現金
• FB專頁: 峇里印尼餐廳 Facebook

更多峇里印尼餐廳相關資料:

• 峇里印尼餐廳分店
• Youtube
• Facebook
• Twitter
• Google