元帥麵館 元朗

元帥麵館 評價 相片

元帥麵館喺元朗市中心近住千色，主打食麵嘅一間餐廳！今日就叫咗兩碗上海撈粗配唔同嘅餸，佢個撈粗入面本身有唔同嘅料，例如甘筍絲、花生、薑蔥絲等等令到個麵食落口感非常之豐富，配埋佢自家個醬汁就更加惹味！而佢個面本身係扁、闊，識落非常Q彈而且好掛汁，真係唔錯！而且仲叫咗個小食就係酸辣蓮藕，佢將啲蓮藕切到好薄配埋個酸辣汁，酸酸辣辣好開胃。

而且佢價錢唔算貴又非常近市中心，行完街肚餓想食個下午茶呢個係一個唔錯嘅選擇😋

下午茶時段去食米線!! 下午茶時段還會送飲品呢!! 這店的湯底是以大量鮮肉及豬骨所熬出來的! 而且強調不加味精!!餐牌選擇都算多, 配料款式都好多!! 而且感覺材料新鮮!朋友點了腐竹肥牛撈粗面!! 原來以為是一般車仔面的粗面, 沒想到是上海粗炒的那種粗面!! 面質厚但煙韌! 再加上秘製醬汁, 好好食!!另一位朋友點的跟我的差不多!! 都是元帥水餃湯面! 不過加的配料不一樣!! 一碗是加魚腐, 另一碗是加肥牛!!個人認為京都炸醬很好食!! 

話說好勤奮既我同媽子去到元朗上堂學野路經此地突然個肚打鼓😂左望右望呢間最似樣就盲沖入去試試😚餐牌今次有記得影架😂都唔好話我次次掛住食啦😜小食款式都唔算話好少價錢都算公道👇起初望一望淨係見到全部都係元帥😂😂點解小食啲名前面無元帥既🤣是蛋一人點一碗😆媽咪叫個水餃我要豬軟骨質素係唔錯味道都好好價錢又唔貴食得過👍豬軟骨好稔又入味麵身煙韌有咬口👍我鍾意有菜莆可以加，加左仲正😍盛惠88蚊💕你話抵唔抵食喇😋

呢日出了千色匯那邊搵午飯吃,最後去了元帥麵館試下,元帥肥腸幼麵 ($42)肥腸..都真係好肥下..好多肥膏..個湯連肉醬都幾惹味。

唔錯,白菜絲吸晒湯味好好味。

麵底可以揀粗麵/幼麵,我揀了幼麵, 都幾彈牙,唔錯。

元帥京醬麵 ($35)UMMM...呢個女友揀左粗麵,但味道麻麻, 唔夠惹味,同埋女友本身以為佢係冷麵,天氣熱先叫,點知原來係熱撈麵, 差少少。

加$10加餸要豬手, 豬手味道唔錯, 少少辣,但稍嫌唔夠林,同埋冇乜肉,食完舊皮, 都冇乜肉可以食了。

另外仲加$7要魚腐,唔係手製個D, 只係普通凍肉店丸類,正常。

總括, 佢D麵係幾出色的,但某D餸就一般D..下次可以叫其他餸菜的湯麵再試試。

本身想食另一間米線但又無開, 唯有係附近搵搵有咩好食啦呢間係元朗都算係新開麵店, 見入面都好多人食又裝修又幾乾淨, 就決定試試佢啦！我地3個人都叫左唔同款的麵因為天氣好熱所以我就叫左佢地招牌撈麵加左豬耳同魚腐撈起的時候就覺得汁唔係好夠有少少難撈, 麵質都唔錯唔會太軟同太硬, 撈起黎都好食魚腐有一種雪完就放上黎的感覺, 食食下都有少少雪味豬耳就不過不失, 相比之下比魚腐好, 都有唔少配菜, 有芽菜蘿白同蔥我朋友都係叫左撈麵不過係麻醬汁, 相對之下呢個多汁好多同有味d餃子都唔係特別好好食, 腩肉都睇得出好鞋, 都唔係好入味最後一個就係湯味因為同行朋友話呢間係專門食湯麵所以就算好熱都要試試！湯味就比撈麵更加有味, 因為可以一路飲一路食！佢都係叫左腩肉, 不過呢個有湯一齊食無咁乾同鞋而米線都無撈麵個隻上海麵咁有咬口, 唔同既朋友都可以選擇自己鐘意的麵啦！總括來講, 我覺得就普通無咩特別好食的令我想返黎再食多一次 

元帥麵館餐單提供京川滬, 粉麵, 米線等推介美食位於元朗區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 24562491 查詢。

您對於元朗餐廳「元帥麵館」有何 comment？

元帥麵館餐廳詳細資料：

• 元帥麵館地址:
  元朗西菁街9號富盛大廈地下78-79號舖
  元帥麵館, Shop78-79, G/ F, Fu Shing Building,9 Sai Ching Street, Yuen Long
• 元帥麵館電話: 24562491
• 元帥麵館價錢: $50以下
• 分類: 京川滬, 粉麵, 米線
• 座位: 未知
• 付款: AlipayHK,支付寶,現金
• FB專頁: 元帥麵館 Facebook

更多元帥麵館相關資料:

• 元帥麵館分店
• Youtube
• Facebook
• Twitter
• Google