Cookingnana 元朗

Cookingnana 評價 相片

上次夜晚想買外賣但係佢話要等30分鐘以上，我哋無等。

今次lunch出去買就唔使等咁耐，大概15分鐘到！但係真係好抵食！亦都好好食！Feel到佢哋好有heart！今次嗌咗個四人套餐！可以揀四個漢堡，四個小食，四個飲品！我哋揀咗：$300 四人套餐芝士牛肉手打漢堡雞肉芝士漢堡菠蘿雞肉芝士漢堡蘑菇卡邦尼意粉茄汁德國腸意粉洋蔥圈芝士薯條四罐汽水嗰兩個意粉裝滿晒個盒！壓到實一實！四個漢堡返到屋企個賣相仲係好靚！仲係好暖！味道亦好好👍🏻佢哋個茄汁偏酸，有啲似自製蕃茄醬，所以食完都唔會膩！我比較鍾意白汁卡邦尼意粉，好香！另外覺得個腸意粉好smokey味！四個漢堡都好正！真係好抵食！一定會在encore！

勁伏經歷:1，手打牛肉衰過M記漢堡包，牛肉又乾又鞋嘅，見到牛肉表面燶晒，感受到塊漢堡起扒爐上受到不必要的痛苦，難食x12，夏威夷pizza竟然有芫茜，真係第一次食，即刻懷疑人生，到底我之前食嗰啲冇芫茜嘅夏威夷pizza係啱定錯，難食x23，溶岩薯條表面有一塊硬物，咬唔開嘅，又令我再一次懷疑人生，到底係咩黎，薯條本身已炸過龍，有d燶嘅，盒底居然係碎濕濕，難食x3，食完可以知道自己本身有冇喉痛4，炸雞翼，雞肉無味(合低鹽低糖人士)，但首先要確定自己有一排健康牙齒先得，因為雞翼表面唔知用咗咩隱世做法，表面都幾硬最好笑係員工慢活工作，不過d工作人員好貼心架，Pizza未焗好，就用最快速度整好漢堡包，薯條，意粉先，可能怕太熱我食唔到，所以就攤出黎等降溫先，等我可以食到入口，多謝工作人員，到Pizza焗好，全部外賣齊全可走人，我一摸個包，已無乜體溫，再一次多謝佢地做餐時間拿捏得好好，多謝呀，你係得既！多外賣單我唔怪你，但我等咁耐只有3張外賣單都做到咁～

上門叫外賣，講話等15分鐘，結果等左78個字都未做，最終決定cancel單。

時間唔多就千期唔好幫襯。

我基本上決定唔再幫襯，祝幫襯既朋友好運。

最後補充，以我觀察佢應該主力做網上外賣平台，不過想食都係預左等，出餐超慢。

洪水橋之中，西餐廳佢算佢有心，不過員工好後生，未必識招呼客人，水都唔會俾你，俾你杯水就熱到飲唔到，等五分鐘先得。

漢堡包很多，但個包好似唔係好新鮮，所以扣晒分。

堂食就算係抵食既。

衣間野成功進入Blacklist 環境污漕 有烏蠅同埋好多不明飛行物體仲要好耐先執枱 服務極差 速度慢態度差只顧住執外賣 仲要好冇條理 好混亂 成日跌嘢落地落單要等食物更等咗大半個鐘 頭半個鐘一杯水都冇 我見到隔離枱遲過我哋入都有野飲 就叫佢跟一跟 之後佢語氣好差咁講「沖緊」跟住落單後40分鐘 忍唔住催左一次食物侍應完全冇反應 連唔好意思都冇講一句 完全唔回應我地再等左陣 心有不忿 諗住比錢都唔再等 戴番口罩嘅時候 佢先開始放低部分食物 食物正常黑松露牛肉Burger不過不失 冇乜黑松露味鱈魚Burger都好普通 魚柳偏厚粉番薯條正常甜甜地 但佢額外再加咗糖粒係面煎杏鮑菇極油 一撳落去全部油都標晒出嚟 好反胃飲品好難飲奶茶同檸茶都有一陣怪味 完全飲唔落$166/2ppl 完全唔值 Total入左去1.5個鐘 得2030分鐘係食野下次寧願食連鎖店都好過食衣間

Cookingnana餐單提供西式等推介美食位於元朗區，餐廳座位數未知人均消費約$51-100，結賬可以用現金。

您對於元朗餐廳「Cookingnana」有何 comment？

Cookingnana餐廳詳細資料：

• Cookingnana地址:
  元朗盈福街5號洪福樓地下A號舖
  Cookingnana, Shop A, G/ F, Hang Fook Building,5 Ying Fuk Street, Yuen Long
• Cookingnana電話:  
• Cookingnana價錢: $51-100
• 分類: 西式
• 座位: 未知
• 付款: 現金
• FB專頁: Cookingnana Facebook

更多Cookingnana相關資料:

• Cookingnana分店
• Youtube
• Facebook
• Twitter
• Google