黑木堂 佐敦

黑木堂 評價 相片

一月二十八日 (星期二)話說某天打開雜誌，看到主打海鮮丼飯的黑木堂開了分店本店位位大角咀，而分店就設在不遠處的佐敦是夜，剛巧路經此地要辦點事，便趁機來試一試七時許來到，差不多半滿全店以木色作裝修，挺具風味看看餐牌，全是一幅一幅海鮮丼的照片，不過攝影技術有待改善海鮮丼飯最平$48已經有交易了，款式也很多赤門丼即是三文魚及蒽粒吞拿魚腩丼飯賣相與牌餐所示的差不多，以這個價格來說，份量十足可是，兩款魚生也同是欠鮮，特別是蒽粒吞拿魚腩，說無味也沒誇張另一款選的海鮮丼則有海膽,三文魚及帆立貝定價差不多$100，有海膽，價位本是合理的令人期待的海膽當算可以，帶着鮮味三款海鮮中最出色的是帆立貝，味道鮮甜可口整體上，現實與理想還是有一段距離如可選擇，寧願定價提高，可以吃到更新鮮的貨色就好喇~

今日同同事去佐敦做野，做完野就搵下附近有咩野好食LA，見到這店裝修好唔錯，睇完份manual又唔貴,就決定試下喇！！我就叫左個海膽，三文魚，甜蝦丼，再加左前菜同三文魚麫豉湯 。

值得一贊係個三文魚麫豉湯，好有鮮味好濃，不過個前菜中華沙律就好普通。

講番個魚生飯，以＄78黎講份量都唔少，海膽鮮甜，甜蝦新鮮好味，三文魚都唔錯，總括黎講算係交足功課。

我同事就叫左個咖哩角切牛舌丼，我同事話唔錯，我都試左佢既牛舌，食落甘香，值得推介。

下次會黎試晚飯。

朋友知我最愛食魚生，推介咗呢間新店俾我。

於是今晚約埋兩個餵食朋友仔陪我試新嘢。

由於第一次幫襯，我哋呢啲穩陣派，梗係先一人一個丼試吓先啦。

於是分別叫了海膽三文魚丼， 海膽三文魚子丼同三文魚油甘魚丼。

朋友果然無介紹錯，啲刺身好新鮮，於是我哋即刻加咗個刺身拼盤。

嘩，成晚最正呢個拼盤。

三文魚腩勁肥美、我最like。

個帶子好鲜甜，喺香港真係好少食到鲜甜嘅帶子，正！！！今晚食得好滿足，可惜食得太飽，無機會試吓啲串燒，唯有下次啦。

撘車成日經過，都好想試下。

gum arm 朋友生日就即管試試，我哋order 了三文魚、三文魚腩、帆立貝、全部好新鮮好甜美，牛舌推介值得一試，三文魚湯吾會腥，落足料，吾會似其他店好似味精湯，店員服務好

前幾天看到雜誌提及佐敦開左一間專食刺身及魚生飯的日本菜。

今晚剛剛經過﹐又見到有人食﹐所以便入去試試。

店面裝修唔錯﹐睇落乾淨。

不過背境音樂太大聲﹐店員常常聽唔到我地想點甚麼食物﹐要好大聲佢先聽到。

問佢今日有咩新鮮刺身﹐佢居然答：「我地係賣既魚生﹐全部都新鮮。

」 聽到佢咁講﹐唔知俾乜野反應好。

我地之後叫左第二個店員﹐再問下今日有乜嘢新鮮刺身。

這個店員明顯知道我地問乜，識得答﹐今日返左三文魚。

最後點了蟹子沙律﹐海膽及三文魚腩刺身﹐鹽燒牛舌﹐雞軟骨串燒﹐劍魚腩壽司﹐芝麻鰻魚卷﹐及吞拿魚三色飯。

蟹子沙律﹐勁多青瓜絲﹐沒甚麼特別。

海膽及三文魚腩刺身﹐不錯的說。

劍魚腩壽司﹐不過不失。

串燒都唔錯 。

芝麻鰻魚卷﹐冇乜特別。

最後先黎吞拿魚三色飯﹐賣相唔錯。

但食第一啖﹐件吞拿魚怪怪的﹐聞到有陣古怪的味道﹐好似酸縮的味道﹐嚇到我即刻放低唔敢食。

之後叫左個店員黎，同佢講件吞拿魚有問題，個飯我地唔要﹐麻煩cancel個飯。

佢一d都聽唔到﹐要我再大聲講一次﹐搞到隔離枱都聽到我講乜野。

講左3次佢先識得將個飯拎走。

之後我地即刻埋單﹐唔知點解仲要收我碗吞拿魚飯錢！！！ 要我再講一次佢D飯有問題﹐我要cancel﹐佢先有人再過黎同我講.... 「師傅試左魚無問題﹐不過我地會照cancel碗飯....」我心諗從來未試過食吞拿魚會有那種酸縮的味道，咁都叫正常 ？？！！俾完錢我地即刻走！以後唔會再黎。

黑木堂餐單提供日本菜, 壽司, 刺身, 串燒, 串燒店等推介美食位於佐敦區，餐廳座位數45人均消費約$51-100，結賬可以用現金。

您對於佐敦餐廳「黑木堂」有何 comment？

黑木堂餐廳詳細資料：

• 黑木堂地址:
  佐敦佐敦道43號B地下
  Kurokidou, G/ F,43 B, Jordan Road, Jordan
• 黑木堂電話:  
• 黑木堂價錢: $51-100
• 分類: 日本菜, 壽司, 刺身, 串燒, 串燒店
• 座位: 45
• 付款: 現金
• FB專頁: 黑木堂 Facebook

更多黑木堂相關資料:

• 黑木堂分店
• Youtube
• Facebook
• Twitter
• Google