阿修羅 佐敦

阿修羅 評價 相片

之前聽朋友講左好幾次話恆豐中心地庫有拉麵食，幾間鋪頭一齊任你揀食邊間; 感覺好新鮮，所以今次就去試下。

入到去的確覺得幾特別，有五間拉麵店任揀; 於是揀左一間阿修羅叫左一碗豬軟骨拉麵，等食都等左35分鐘，到見到碗拉麵真係眼前一亮。

。

咁細碗。

麵身食落都有D咬口吾太林，豬軟骨都煮得夠林; 味道還可以，麵豉湯底部ok，吾太咸，但碗麵價錢就吾值$80蚊。

因公事須往佐敦，再一次到拉麵競技場吃個遲午餐。

抵步時已是二時四十分，加上是工作天，場內自然是水靜鵝飛，雅座任坐。

今回再戰久違了的拉麵，不想又吃义燒豚湯，故決定一試這個炸雞扒茄子拉麵。

湯底要了大辣，果然有點厲害，向來視辣如無物的小人也邊吃邊流汗，不過越辣越想吃，嗜辣的小人還是把湯喝個清光。

拉麵可選粗幼；幼麵仍有嚼勁，掛湯力還可。

炸雞扒不太鞋，只是乾身了些；茄子倒是根本吃不出炸與不炸的分別，又吸不到湯汁，在這碗拉麵中顯得格格不入。

因為太餓，還點了一客炸軟殼蟹。

超巨型的蟹不像一般軟殼蟹，炸得很硬，吃下不覺有蟹香，兼且激油膩，好像沒有瀝過油便端出來似的，不管小人用了多少紙巾吸油，油仍是很多，結果一隻都吃不完便宣告投降了……拉麵水準普通，小食强差人意，可能試一次便已足夠。

偶爾聽人說恒豐中心地庫開了一系列日式拉麵店，特地來逛逛。

今次選了"阿修羅"，全因圖裡的叉燒很吸引阿修羅拉麵基本上很簡單，分別在於辣、唔辣、有冇蛋、幾多叉燒，所以不怕選擇困難症發作。

這次單點了小辣湯底，足料叉燒及一隻蛋($98)。

小辣對於我呢啲鍾意辣味但又唔食得辣既人嚟講可以話啱啱好。

猪骨湯底味道剛剛好，唔算太咸。

蛋就同其他鋪味道差唔多(味付玉子都係食佢個質地架啦)。

主角叉燒有陣陣炭燒味，係我以前食拉麵未試過有既，值得一讚。

美中不足係瘦位比較乾，有啲難咬。

整體上覺得呢個價錢算合理。

除單點外，更有一人、二人前套餐，但由於小弟食量有限，未有深究套餐餐牌。

題外話，由於即叫即整，全場都派部機，起菜震你去攞，唔洗企到腳軟。

另外入門口俾張點菜咭你，靠佢點菜，食完靠佢埋單，唔好唔見呀！

第一次黎呢到，覺得好似food court，去到門口個職員會派張卡俾我，之後入去揾位同叫野食，有6間拉面店，最後揀左阿修羅，我叫左阿修羅特製拉面加雞翼，個拉面可以揀粗或幼，我揀左幼既食。

終於見到個拉面，覺得好正！個湯底有啲蒜，聞落去好香，配料好多，忍唔住勁飲個湯。

拉面雞翼好大隻，好嫩滑。

埋單時download左soda app,過100元全單9折~~

話說有日同啲人去食拉麵，食過好幾間大品牌，我想試啲其他款，講起二郎系拉麵，我都未試過，就去咗Ramen Champion 見識下。

第一眼見Ramen Champion 嘅格局，同food court 差唔多，只不過全部都係拉麵館。

感覺有啲怪怪，不過最緊要好食啫。

阿修羅拉麵，以炙熱叉燒為賣點，店員仲話佢哋嘅叉燒係Ramen Champion裡面最好食。

招牌二郎系豚骨拉麵，芽菜份量有大中小，劃一價錢。

叉燒賣相極之吸引，微微燒過嘅豚腩肉叉燒，肥瘦分佈四六，表面油光閃令令，散發住誘人嘅香味。

味付半熟蛋，銀芽，生熟蒜粒，椰菜，色彩豐富，食慾大增。

湯底豐厚，豚骨跟味噌味道鮮明，叉燒香口嫩滑，銀芽爽脆，夾雜住蒜香同椰菜嘅甜味，配合爽口嘅麵條，話係享受都唔算誇張。

阿修羅餐單提供日本菜, 拉麵等推介美食位於佐敦區，餐廳座位數未知人均消費約$51-100，結賬可以用現金,八達通,銀聯。

您對於佐敦餐廳「阿修羅」有何 comment？

阿修羅餐廳詳細資料：

• 阿修羅地址:
  佐敦彌敦道222號恒豐中心地庫RamenChampion2號舖
  阿修羅, Shop2, Basement, Ramen Champion, Prudential Centre,222 Nathan Road, Jordan
• 阿修羅電話:  
• 阿修羅價錢: $51-100
• 分類: 日本菜, 拉麵
• 座位: 未知
• 付款: 現金,八達通,銀聯
• FB專頁: 阿修羅 Facebook

更多阿修羅相關資料:

• 阿修羅分店
• Youtube
• Facebook
• Twitter
• Google