瀧一 佐敦

瀧一 評價 相片

晚上約10時到達，店員/廚師告訴我們這個時間只有刺身壽司類的食品。

其實一心想食熱食，不過坐定了又費事走了，就叫了2客極上魚生飯($68)。

飯份量偏小，味道偏酸。

魚生不過不失，不算新鮮但未至於食唔落。

我係女仔食完都唔飽，但作為遲來的晚餐又剛好。

算是錯有錯著吧。

如果有下次，會試熱食。

今日諗住黎食下依一間小店日本野，點知又黎中一次伏。

首先因為三文魚同鰻魚都冇，迫住叫牛肉鍋同埋炸蠔滑蛋飯。

炸蠔滑蛋飯得炸蠔係合格，個飯太林痴埋一舊，完全好難食牛肉鍋就仲衰，好咸d牛肉又肥，成個煲同老吉既lv差唔多。

雖然依間鋪頭既價錢真係好平，但可以做得更好，完全冇令人返回頭既地方，咁既質素有時真係俾貴少少食大集團仲好過d小店。

評分:食物:2/10態度:3/10環境:4/10性價比:3/10總分:12/40 (唔合格)

店鋪好大個名，好易認。

外面都有好多介紹，講真好多人都好怕食間本野好貴，睇到價錢就安心了！！好多日本的裝飾，簡單而精美。

留心睇的話就會見到每個位置都好乾淨呀！！！蛋蛋豚肉火媧！！真係有個火爐係下面燒緊架！！我食野一向都係特別會注意d野食d汁。

呢個汁真係不得了！！入面仲有d慢慢熟既蛋白同有蟹扭。

講都無人信 50幾蚊咋不過記得一路燒緊d水會越來越少呀！玉子蟹棒燒多到爆的蟹子，入面都有好多芝士，同埋有好多醬汁，用來no飯食都唔錯架！下次一定再來吃

去親佐敦上海街salon整頭，真係要食飽飽先開始得，因為做6、7個鐘係閒事，以往我都係去吉X家，貪佢一定有位坐，不過份量唔大，相對價錢唔係平囉，選擇又少，食多幾轉都有D厭，見行多幾步有間細細地叫瀧一嘅日本料理，放喺門口用粉筆寫上多款午餐嘅小黑板，只係四五十蚊，非常吸引，入到去座位唔多，都容易有位坐，睇睇餐牌其他食物都幾好咁，炸軟殼蟹湯拉麵都只係 $58，其實都驚驚地有D伏，但唔試又點知有冇下一次，所以都係叫左，仲加多兩件火炙三文魚煵 每件$15；軟殼蟹即炸需時，先來火炙三文魚煵，細細件兩口攪掂，炸軟殼蟹湯拉麵，一啲都唔細，麵足蔬菜多，湯底味道啱啱好，$58足一隻全蟹，全部蟹腳齊全，炸得鬆脆好味，派讚唔手緊👍🏼

喺佐敦廟街隔離嘅上海街見到呢間日本料理餐廳寫著有八款午餐，每款都係價錢由$45至$50，加多$5有可樂。

佢地有送餐服務，不一過最後我都係入去是旦食，坐低之後發現原來呢度係冇加一服務費嘅，响香港真的少有冇加一嘅餐廳，對消費者而言，值得比個LIKE喇。

叫左個野菜牛肉飯同埋追加左一罐可樂上枱時碗飯熱辣辣，其實基本上碗飯喺鋪滿晒啲肥牛肉丶洋蔥丶香菇同埋金菇，喺完全見唔到下面有飯，肥牛肉薄薄哋又肥瘦相連加上餐廳嘅自製湯汁，味道不錯啊，都想講佢嘅湯汁咸甜適中，唔會好似外面有啲日本料理餐廳啲湯汁咸到冇人有，碗飯應該喺近似珍珠米煮成熟飯，食入口時每粒飯都有彈性，口感幾好，同埋一邊食一邊發覺每食一啖飯時都有白煙冒出，証明厨房師傅注意到成碗嘢嘅溫度控制，作為食飯消費者嘅我也食得開心。

炸生𧐢又熱又脆口。

瀧一餐單提供日本菜, 壽司, 刺身等推介美食位於佐敦區，餐廳座位數未知人均消費約$51-100，結賬可以用現金，Booking訂位可以電話致電 26130085 查詢。

您對於佐敦餐廳「瀧一」有何 comment？

瀧一餐廳詳細資料：

• 瀧一地址:
  佐敦上海街137-139號地舖
  瀧一, G/ F,137-139 Shanghai Street, Jordan
• 瀧一電話: 26130085
• 瀧一價錢: $51-100
• 分類: 日本菜, 壽司, 刺身
• 座位: 未知
• 付款: 現金
• FB專頁: 瀧一 Facebook

更多瀧一相關資料:

• 瀧一分店
• Youtube
• Facebook
• Twitter
• Google