沙記乳豬燒臘 佐敦

沙記乳豬燒臘 評價 相片

此餐牌沒有寫乳豬飯的價錢, 店主用手寫上在另一餐牌, 乳豬飯 55元, 乳豬雙併 則65元, 貴不貴?? 要視乎質素囉...例湯, 送的, 不用錢, 材料算多, 但...就是味精度不輕... 雙併, 乳豬切雞飯, 切雞不是問題, 水準OK, 也忘記了影相, 但乳豬就略差, 共四件, 兩件的乳豬皮, 算是合格, 但另外的兩件則太差, 不脆, 也帶韌, 還有就是皮與肉的中層脂肪太厚, 不可能全件入口.有小狗陪伴食飯, 比番個OK啦...初入到店內, 店主些少cool, 愛理不理, 但我一講話要乳豬雙併....., 就當堂友善多了.... 我主觀覺得咋...無證據架....哈哈..

整天下著雨，就在公司附近搵食，呢間店就同我公司一街之距離我連雨傘都吾需要帶，就衝過，可能過左飯巿完全沒有其他客人，而且得一張巨型大摺枱，咁我就坐下坐左成五分鐘，都無伙記招呼你，只見一個阿姨在收銀處數錢另外見到燒味檔師傅企在檔內，唯有自己行埋去叫了碟燒肉雞飯不到三分鐘，師傅就將飯同例湯拿到我枱面首先講碟飯先，燒肉同雞份量不少，排列得整整齊齊燒肉暖暖，肥瘦均勻，肉入口十分爽，皮脆仆仆而切雞大部分都係雞胸位置，勝在肉質嫩滑飯身夠乾爽，連埋薑蓉撈飯，成碟隊哂，至於碗例湯淡而無味，除了見到舊肥豬肉外，就乜都見吾到店內環境好舊式，平時飯巿得兩張摺枱，全部都是用圓坐椅幫襯堂食多數都係老街坊，曾經賣過兩次外賣，算是不錯招呼就是沒有招呼，不過呢類型嘅店都係咁埋單二十六元，仲想點

又是飯後北上工作的一天. 灣仔站對食物來說, 完全唔就腳, 一於再來佐敦, 附近多野食之餘, 食完上車又極方便. 於是, 便如常由寶靈街直入. 找到這一家簡陋的燒臘店. 彌敦道向東, 是高尚住宅, 好多有錢人Club house 既所在地, 彌敦道向西. 計至渡船街/廣東道海旁, 是平民百姓的生活地方. 一東一西分別非常大. 而西呢一帶, 還保留著不少價錢大眾化, 甚至超越大眾化既食肆. 找一個under $30既午餐, 甚至晚餐, 基本上不難. 另外, 那止不屬於我的年代既茶餐廳/冰室, 亦不難找.行到上海街街口, 因為燒臘一向是又快又好食, 所以一見有燒臘店, 不想想太多既時候. 真的是非常方便同快. 此店用乳豬押上店阿做招牌,乳豬想必是這裡名物. 不過, 時間1點多, 乳豬已經賣哂. 惟有改回食慣的叉燒燒鴨飯. 叉燒, 看落就是瘦叉燒. 不過咬落, 雖不能說是入口即溶, 但就係淋到係冇乜牙既老人家都食到既程度. 只可惜, 其燒鴨只是一般貨色. 不能稱得上是靚鴨. 而飯, 起初以為佢唔夠叉燒汁, 撩開肉, 原來不甚上色既汁, 係肉既底部滲滿了果一part飯,醒目的我當然搞一搞, 務求令汁散佈得均勻少少. 汁充滿了叉燒的蜜味, 完全是肉汁既鮮味. 很不錯.看得出是家庭小店, 鋪面不大而要擺少少街邊. 收銀, 一碟飯連湯都只是$23, 小妹妹嚷著, 代母收錢. 醒目小朋友沒有找錯錢, 非常之叻女.

沙記乳豬燒臘餐單提供港式, 燒臘, 快餐店等推介美食位於佐敦區，餐廳座位數未知人均消費約$50以下，結賬可以用現金，Booking訂位可以電話致電 27353668 查詢。

您對於佐敦餐廳「沙記乳豬燒臘」有何 comment？

沙記乳豬燒臘餐廳詳細資料：

• 沙記乳豬燒臘地址:
  佐敦上海街41號
  沙記乳豬燒臘, 41 Shanghai Street, Jordan
• 沙記乳豬燒臘電話: 27353668
• 沙記乳豬燒臘價錢: $50以下
• 分類: 港式, 燒臘, 快餐店
• 座位: 未知
• 付款: 現金
• FB專頁: 沙記乳豬燒臘 Facebook

更多沙記乳豬燒臘相關資料:

• 沙記乳豬燒臘分店
• Youtube
• Facebook
• Twitter
• Google