榕華燒鵝餐廳小廚 佐敦

榕華燒鵝餐廳小廚 評價 相片

「榕華燒鵝餐廳小廚」是一間港式茶餐廳，裝潢比較陳舊，店內衛生情況一般。

午膳時段食客人數眾多，需在門外排隊輪候，更需接受搭枱安排。

小編要了一客「咸蛋肉餅飯」，肉餅肥肉份量相對多，整體味道偏鹹，再加一只咸蛋，味道更重。

肉餅需要伴飯吃味道才比較容易接受，評價負面。

「榕華燒鵝餐廳小廚」以燒鵝餐廳定名，或許燒鵝燒味才是招牌菜。

有待試畢相關菜餚才能對餐廳有更全面客觀的評價。

今晚去了榕華吃燒鵝。

燒鵝有分上庄、下庄、例牌、半隻、全隻。

我點了下庄因為想食鵝脾。

燒鵝肥美，上桌已經見到有鵝汁。

皮脆肉汁豐富。

點酸梅醬非常開胃。

但有些皮較硬要用點力咬開。

加一碟豆豉鯪魚炒油麥菜。

份量幾多。

一樣好入味。

非常滿足。

環境就唔好要求。

做街坊生意。

舊式飯店格局。

有D地方冷氣唔夠。

價錢算平。

其實牆上面及餐牌都有好多小菜。

有好多都想試下。

下次必定會再來。

有一點奇怪的是門口招牌叫慶豐，唔係蓉華。

唔知點解。

是日出埠返黎落咗機鐵好想食返餐地道廣東小炒，便來到離九龍站不遠的渡船角搵食。

週日夜晚黃金時段，見呢間餐廳都算人流旺，就隨便坐了下來。

餐廳主打燒味，夜晚亦有燒味碟頭飯提供，亦有多種小菜提供，價格相宜。

先叫了叉燒燒肉雙拼燒味飯（$46），份量十足，但叉燒偏硬，同埋兩味燒味都過鹹。

又試了兩味小菜，鮮淮山牛腩煲（$78）同埋梅菜蒸菜心（約$68），「牛腩」煲內淮山份量非常足夠，但牛腩卻不多，多數是牛筋，味道其實不錯，但同樣敗在太過鹹了。

梅菜蒸菜心亦是，梅菜的鹹味其實已經足夠，不懂廚師為何還要加上大量鹹豉油調味。

如果可以改善餸菜過鹹的問題，相信會吸引更多客人。

$48 豉汁蒸倉魚,新鮮又好味, 時間蒸得啱啱好, 從來未食過抵食又好味嘅蒸魚,真係食過返尋味; 另外叫咗一碟叉燒油雞飯, 叉燒燒得香,油雞肉很嫩滑飯,連白飯都既熱又有米香, 燒味有水準, 必定會有下次!!

本身返工帶咗飯，但咁啱有幾隻腳，同事就叫我棄飯一齊出去食。

見咁多人，順便收下風唔使咁孤獨自己一個食。

由於本人唔肯食米線譚子嗰啲，又趕時間，就揀咗食燒味。

星期日餐廳都冇乜人，啱晒我哋呢啲要準時歸西(九龍)嘅人。

我哋就嗌星期日午餐，佢應該係每日餐牌都有唔同。

由於真係好趕時間，阿姐就介紹我哋食四寶飯，有叉燒、蔥油雞、燒肉同鹹蛋。

阿姐話呢個最抵食，結果我哋全枱都叫晒四寶飯。

呢間嘢最好嘅地方就係快，我哋都未嗌嘢食阿姐已經放低咗6碗湯俾我哋，放低完先問我哋飲唔飲。

之後第二個阿姐問我哋飲乜，我哋問有嘢飲㗎？佢就好鬼惡話，而家咪問你囉！凍飲加兩蚊！我哋又係低能嘅，問得你梗係包嘢飲啦...碗湯入面有紅蘿蔔同合掌瓜，我同事就話覺得好味精，但我覺得ok嘅，都飲得下，叫做有啲瓜食下。

之後好快惡阿姐就一碟碟四寶飯飛埋嚟我哋度，啲位計準晒飛到埋嚟啱啱好。

叉燒比較肥，但瘦嗰啲位肉質都幾梅頭，夠深色。

啲雞就啱啱俾到雞髀我，作為一個淨係食雞髀嘅港孩當然開心。

燒肉個皮都幾鬆脆。

最好笑係有兩個人嗰碟隻鹹蛋唔係鹹蛋，係雞蛋，可能無晒鹹蛋啦...飲咗凍飲埋單$44+2, 今時今日係幾抵食，速食之選！

榕華燒鵝餐廳小廚餐單提供港式, 茶餐廳, 冰室等推介美食位於佐敦區，餐廳座位數未知人均消費約$51-100，結賬可以用現金，Booking訂位可以電話致電 37059215 查詢。

您對於佐敦餐廳「榕華燒鵝餐廳小廚」有何 comment？

榕華燒鵝餐廳小廚餐廳詳細資料：

• 榕華燒鵝餐廳小廚地址:
  佐敦文蔚街17-19號地舖
  榕華燒鵝餐廳小廚, G/ F,17-19 Man Wai Street, Jordan
• 榕華燒鵝餐廳小廚電話: 37059215
• 榕華燒鵝餐廳小廚價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 榕華燒鵝餐廳小廚 Facebook

更多榕華燒鵝餐廳小廚相關資料:

• 榕華燒鵝餐廳小廚分店
• Youtube
• Facebook
• Twitter
• Google