Tony's Hell 佐敦

Tony's Hell 評價 相片

🇭🇰Tony’s Hell·一間由6月開始有罷市嘅告急小黃店💛我哋見到佢個神秘晚餐好似幾得意咁 就嗌左黎試😈率先幫大家試吓😏我覺得佢啲食物combo係有用心機諗既 但係呢個價錢就好似有啲唔係好值啦 我地以為呢個價錢佢啲野食會特別啲🙊所以我覺得如果大家去支持 散嗌會開心啲😂😂·神秘晚餐 $580/位·蘋果粒脆脆其實我都唔肯定佢係咩😂😂因為每一樣野都係神秘的 啲staff都冇咩點介紹每一樣嘢係咩 我地都係自己憑味覺🙊😂😂佢中間係啲蘋果粒 加埋個醬酸酸甜甜咁幾開胃既 出面嗰脆皮都鬆脆既 不過呢個頭盤份量真係有啲少🤔·紅菜頭湯呢一個就係一個好original既紅菜頭湯 佢冇落好多調味料 就係飲紅菜頭本身嘅味 不過我本人唔係好鍾意紅菜頭 所以我都唔知佢係咪好飲😂佢上面仲有幾塊紅菜頭乾 超紅菜頭😂😂·沙律呢個就無咩特別啦 我地完全食唔出佢個醬係咩 我地懷疑佢係乳酪 不過唔肯定🤭🤭比較有特色少少係佢上面有啲類似海藻咁樣嘅嘢 幾chewy既 質感幾得意 不過我自己覺得有少少腥🙊·鰻魚大啡菇呢一個上枱嘅時候我覺得幾photogenic 無諗過可以咁樣配搭 都幾特別🤔佢中間仲夾左啲拉絲嘅芝士 食落ok既 不過以主菜黎講真係好細份😂呢兩粒係for 4個人share🙊🙊·大頭蝦配薯蓉呢個都係4個人share既主菜 佢啲擺盤係靚既 不過呢個我就無食到 因為我對蝦敏感🙊但係我又真係完全無諗過要同餐廳講 冇諗到主菜會係海鮮 呢個就係太神祕既代價啦😂😂不過唔緊要 我男朋友幫我食埋左我個隻keke🤭佢話呢隻大頭蝦真係幾大隻 不過比起普通既蝦佢係淡味同埋扎實啲 佢自己鍾意普通蝦多啲🤭🤣·朱古力雪糕塔最後就有呢個甜品 佢個朱古力塔入面好似係雪糕黎 個雪糕似係自己整個種vegan雪糕 所以食落無咁smooth🙊我自己感覺有少少咖啡味 但係其他人感覺唔到 所以我地都唔知佢究竟係咩😂😂·#rbyeat#rbycafe#rby小黃店#rby佐敦·📍佐敦文苑街38號地舖

朋友好勇敢選擇咁近西九既地方食飯, 近來好多飯局都取消, 但呢班人無有怕, 飯始終要食, 生活總要過! 餐廳昏暗燈光好浪漫, 坐位舒適, 旁邊擺放小盒供客人放手袋雜物, 貼心! 仲有一客免費的黑糖包, 熱辣辣夠鬆軟!地獄雞翼 $68/5隻 ~ 我哋要少辣 (同行有人唔食得辣), 好惹味, 雞肉嫩滑, 亦夠入味! 辣味有點似樽裝辣椒仔味道, 唔會好嗆喉! 芝士焗墨西哥脆片 $68 ~ 脆片上舖芝士, 士多啤梨乾, 藍莓同焗, 同以往食開嘅Nacho 好唔同, 甜甜哋好開胃! 美中不足係焗得有點乾!原個蕃茄沙律 $88 ~ 去皮蕃茄, 伴上新鮮沙律菜及紅肉火龍果, 個醬汁甜甜哋, 好靚! 武藏小次郎 $168 ~ 用上日式鰹魚片, 高麗菜, 黑豚肉…味道不錯, 佷配合! 餅底有點厚度, 不是薄薄的那種, 夠脆! 一飛沖天雞 $198 ~ 迷李雞, 大隻過乳鴿少少! 不過調味做得幾好, 夠入味, 雞內塞滿香草及蒜頭, 成件事好香! 雞肉滿滿肉汁嫩滑, 雞胸都唔嚡, 略嫌細隻同埋蒜頭唔夠熟! 青醬墨汁意粉 $180 ~ 醬汁豐富, 味道不錯! 意粉稍稍淋身, 似自家制意粉! 我來自北京 $168 ~ 北京填鴨厚底上概念! 鴨胸肉, 青瓜, 北京填鴨醬, Pizza 餅底, 配搭唔錯, 不過醬汁有點咸! Blue Curacao Litchi Soda $48, Hill of Sunset $48, Lime Soda $48! 總括而言, 飲品無特別! 星球蛋糕 $288 ~ 專程訂制! 好好玩之餘都幾好食, 唔係得個樣! 

其實為咗牛扒而去，但由於太夜去到已經冇得食牛扒我哋一行二人唯有轉食豬手，之後先知原來豬手都係餐廳名物豬手最特別之處係南瓜汁，呢個醬汁係豬手來講真係小食，仲有兩片芝士脆脆，搭配買豬手黎食少咗一份油膩，然後非常推介地獄雞翼，對於真係一個好鍾意食辣嘅人，真係超正因為超級辣，適逢我又鍾意食雞翼又鍾意食辣簡直係正中紅心，下次一定要過去食牛扒，但如果要去食記得一定要提前book位，因為如果唔book就冇得食㗎啦

男朋友生日撞正聖誕節，所以要諗食咩都諗到頭痛又唔想太貴，但又想食到好野，最後見到呢間餐廳聖誕節有個神秘驚喜套餐就揀左食之前見到其他人嘅食評，話所有菜式都係保密、要即日先知，覺得勁好奇同埋好期待佢有分3個時段：5:007:00pm / 7:009:00pm / 9:00pmclose我地book左7:009:00pm嘅，但係去到都仲要等一等終於入到去，店員走左過黎先問左飲咩餐飲，大約5分鐘都冇就上左野飲至於餐點就大約等左10分鐘先開始上，一黎係個餐湯同頭盤先。

個餐湯係紅菜頭湯黎嘅，冇乜特別。

紅菜頭餐湯頭盤就係一個他他黎，一黎用左個蟹蓋遮住左，一拎開個蟹蓋就見到他他本尊個他他表面灑左d蝦子，為菜式加左d顏色，睇落更靚他他味道好清新，食落口感似係水蛋配有蟹肉。

不過果d唔係普通水蛋黎，味道係有d酒味，我估係蟹d汁加左蛋白度蒸成件事好新奇，因為出面未見過咁樣嘅他他個多士都唔係一般買返黎嘅包，而係咖哩味嘅，配埋他他食真係好有驚喜神秘頭盤清新有驚喜蟹肉他他配咖哩味多士之後到沙律，賣相非常好味道就清新嘅，配左個甘荀醬同埋乳酪醬。

沙律入面有一隻菜好特別，好爽口清新，不過冇人介紹所以都唔知係咩菜黎清新沙律之後就到正餐喇首先上嘅係燒虎蝦配薯蓉，其實一直食緊沙律果時都已經聞到廚師燒緊一黎到已經聞到隻蝦燒到勁香，所以都好急不及待地拆黎食一食果下真係感覺到好香蝦味，而且肉質爽口薯蓉都好香，佢係特登冇將d薯仔壓到好爛，所以係仲有d質感而且唔會落左太多奶，可以將薯仔原來嘅味道昇華左，好好食！不過二人份量黎講真係少左d，食完真係唔夠喉超香爽口香烤虎蝦配薯蓉應該係聖誕節嘅關係，所以個餐有隻燒雞～佢上面d汁係茄汁黎，係偏甜嘅，冇乜酸味，好似好普通咁不過，一切隻雞就真係：O!M!G!超juicy、超香、超有雞味、超滑！呢一道菜真心有驚喜，因為要將一個普通菜式煮到咁好食係好難！超驚喜皮脆肉滑多汁燒雞最尾就到聖誕特別版甜品碟喇～成個碟上面嘅野都係可以食嘅，一共有5種款式有馬卡龍、雪芭、芭芙、花生醬蛋糕、朱古力，都好多元化仲要擺到好有聖誕氣氛，打卡一流呀打卡一流聖誕限定甜品碟

5.1黃金周 當然環支持黃店喇呢間入店前度體溫 員工會噴埋酒精👍🏻 讚我地4個人叫左5樣小食加星球甜品🤗 第一樣係白酒煮蜆 白酒酒精唔會太濃 配合到蜆既鮮味 好食😋 可惜對比其他美食 呢個略為失色 俾4/5分 第二樣系雙子座沙律 沙律汁系柚子醋 隻味甜甜地 仲落左一隻粉 但食唔出咩粉😢 清新開胃 睇得出好有心思第三樣系地獄雞翼 雞翼食落啖啖肉味 好juicy 叫左小辣 感覺特別 值得推介第四樣系thai style pizza. Pizza 餅底系黑色 冇味的 pizza 邊烤得脆 中間唔會淋 餡有蘑菇蘑菇似岩岩煮好 好有水份 好新鮮 整體配合好好 唔辣 又值得推介第5樣系豬手 豬手皮上淋左南瓜汁 有兩塊炸芝士片 好食 😋 豬手皮上淋南瓜汁 令到個皮冇咁脆 但又唔淋 變得易切 切完入面 肉唔鞋 豬手有一層膠膠地既layer 令味道更勝一籌最後一個星球甜品個樣真系唔錯 我地揀左藍色 bo開之後入面有三隻雪糕球 黑芝麻 豆腐味 仲有隻食唔出😂黑芝麻味太重嗰隻太淡味 建議黑芝麻放最後先食 咁先可以試到另外兩隻比較淡既味道我估果隻味系紫薯 跟住仲有些脆脆 爆谷 個殼系用朱古力整 個環用白朱古力 可惜比較甜 本人唔太鐘意食朱古力 所以就不點評我地4個影相差唔多影左半個鐘 但bo開之後雪糕似啱啱雪櫃攞出嚟 仲有雪花冰表層 應該系急凍雪糕 呢個扣左些少分 星球雪糕系賣創意😂 味道就一般喇 抵唔抵就見仁見智😬員工服務一流 會留意水杯 加水亦會推介美食 有耐性解答問題 態度100分進食進度良好 菜接菜不會過快 過慢🤪環境唔錯 有feeling既一餐飯😚雖然呢間野食價格偏貴 但似乎價錢系建基於廚師既心機同熱誠 所以可接受終於系香港食到一間系以人為本既餐廳 俾客人品嚐最後既好食😋 廚師亦有心機開發唔同食譜 值得再回顧🥰

Tony's Hell餐單提供西式, 多國菜, 海鮮, 薄餅等推介美食位於佐敦區，餐廳座位數20人均消費約$201-400，結賬可以用Visa,Master,現金,AE,銀聯，Booking訂位可以電話致電 57244537(WhatsApp) 查詢。

您對於佐敦餐廳「Tony's Hell」有何 comment？

Tony's Hell餐廳詳細資料：

• Tony's Hell地址:
  佐敦文苑街38號地舖
  Tony's Hell, G/ F,38 Man Yuen Street, Jordan
• Tony's Hell電話: 57244537(WhatsApp)
• Tony's Hell價錢: $201-400
• 分類: 西式, 多國菜, 海鮮, 薄餅
• 座位: 20
• 付款: Visa,Master,現金,AE,銀聯
• FB專頁: Tony's Hell Facebook

更多Tony's Hell相關資料:

• Tony's Hell分店
• Youtube
• Facebook
• Twitter
• Google