S2 鐵板燒 佐敦

S2 鐵板燒 評價 相片

首先由外觀講起, 本身間野已經細, 位同位中間好逼, 每張枱既距離好近, 隔離位講咩都好清楚, 唔夠人手, 但又要接咁附生意, BOOK左位都等左兩個鐘先有前菜食, 餓到暈, 一句唔好意思都無, 野食仲要唔熟, 牛油果硬既, 燒龍蝦透明, 炒飯無味, 個位樂師傅仲要脾氣差,燒燒下係你面前掉野, 發出巨大聲響, 食到極不安, 唔係比面朋友因為朋友生日,都唔會繼續留係度食, 食埋D下價野牛肉幾粒,豬肉幾粒, 蟶子有沙,夠膽收你$800一位, 最最最慘係完全唔飽! 貼錢買難受! 好懷疑間餐廳既好評係比錢買返黎, 如果呢個價位, 好過呢間餐廳既有大把選擇, 勸大家諗清楚食唔食。

超好食， 係我食過最正既鐵板燒， 今日去到， 個傑師傅都好健談，無所不談。

每一樣嘢食都非常好食，而且好有驚喜，性價比超高； 之前睇到近排其他評論有啲都好負面，所以開頭我去之前都有啲驚，但係自己親身食過完全唔係負評嗰啲感想，可能佢哋嘅味覺同我唔同啦，但係我好誠意推薦大家。

佢最出名嗰個18層海膽杯，真係好有誠意每一層都用啲優質嘅材料食落去好有口感，海膽亦都係好靚，然後嗰個龍蝦係非常之新鮮，係即場劏嘅， 佢燒緊嘅時候仲識得郁，所以真係好有驚喜，嗰碗湯又好特別， 係搵紙去包住喺度整熱，好好味啊

真心未試過甘伏，寫左過百篇食評，食過甘多間餐廳，都未試過有一間甘難食垃圾中既垃圾首先，依個十八層海膽杯，食左两層都唔對路，同餐紙上面既都唔同既，小左幾層，食到一半問侍應先話有啲時令食材飛機貨黎唔到，所以俾小左，你唔問距都唔唸住講，sell你食果陣又提都唔提下有啲咩時令食材無左果喎，同呃人完全無分別蕃茄沙律，成個蕃茄出哂煙，熱辣辣甘上依個蟹又係經典，完全無味，仲衰過三百蚊位自助餐任食果啲依個牛油果生到完全食唔到，鐵匙羹都畢唔到少少肉出黎食跟住就無跟住啦，畢唔到個牛油果我已經嗌埋單，啲野都唔係俾人食既，伏到七彩，有小小良知都唔会出到啲甘既食物俾客人，仲要收甘既價錢，點解可以開到甘多耐又甘多正評

餐廳環境殘舊同較細，燈光好暗，一入店面老實講有啲嚇一嚇，坐底幾秒已經有啲想走店員態度係 ok 嘅，但食物質素真係非常一般（甜蕃薯入面仲要係凍嘅上碟時），個蟹竟然係完全無味做到～唯一炒飯係幾好食，作為一個鐵板燒午餐埋單每人 $4xx 黎講，性價比真心低到唔知點形容，呢個價位響出面食環境食食物可以有更多高質素選擇，老實講唔明點解 openrice rating 會咁高，啲人嘅點讚其實係咪想令多啲人一齊中伏？絕對唔會再 encore 嘅一間鐵板燒

今日就同女朋友買咗外賣，一個好有誠意嘅抗疫二人餐。

咁佢係有蟹啦，幾件壽司啦。

全部嘢都好完美個蟹呢就好juicy，好好食好香咁。

當然啦，淨係食蟹就唔夠飽嘅。

雖然蟹的份量都比平時多。

但係唔夠飽㗎嘛。

咁佢就畀D沙律啦、壽司啦，畀你頂下肚。

都唔錯嘅，包埋的Sake 好好飲呀，而且係得獎嘅酒，所以我都冇乜嘢我批評呀。

好開心今日，希望疫情都可以快啲完啦。

S2 鐵板燒餐單提供日本菜, 鐵板燒等推介美食位於佐敦區，餐廳座位數28人均消費約$401-800，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay,微信支付。

您對於佐敦餐廳「S2 鐵板燒」有何 comment？

S2 鐵板燒餐廳詳細資料：

• S2 鐵板燒地址:
  佐敦偉晴街29-37號地下6號舖
  S2 Teppanyaki, Shop6, G/ F,29-37 Wai Ching Street, Jordan
• S2 鐵板燒電話:  
• S2 鐵板燒價錢: $401-800
• 分類: 日本菜, 鐵板燒
• 座位: 28
• 付款: Visa,Master,AlipayHK,支付寶,現金,AE,銀聯,Apple,Pay,Google,Pay,微信支付
• FB專頁: S2 鐵板燒 Facebook

更多S2 鐵板燒相關資料:

• S2 鐵板燒分店
• Youtube
• Facebook
• Twitter
• Google