Alpha 佐敦

Alpha 評價 相片

熱到爆燈星期六下午,到放工都未諗到想去邊度,突然記起yan曾經提過呢間餐廳唔錯,今日就呢度啦。

酒店大堂真係幾迷你,行過一條滿佈簽名既樓梯上到餐廳,地方真係幾大,第一眼已經覺得係一個好hea既地方。

因為人少關係,我都可以坐到卡位,望住間學校,這一刻覺得好平靜。

今日天氣熱,放棄飲熱湯改為吃沙律,又幾有造型喎!!蔬菜新鮮,最正係用左橄欖油同黑醋做汁,d黑醋甜甜地好好味!!好過平時d千島汁好多。

茄汁煙三文魚蘆筍天使麵: 天使麵出晒煙,熱辣辣!!口感尚可,未到煙un地步但唔係淋個隻;煙三文魚只有寥寥幾條,某幾條比較咸,其餘ok;蘆筍幼幼幾條,都幾鮮嫩,今次係第一次吃蘆筍,原來都幾好吃。

甜品係紅豆西米,大大粒紅豆煲得好淋,起晒沙,西米就淋淋地,ok丫!凍咖啡:竟然幾得手,一路吃紅豆西米已經聞到陣咖啡香,走既時候見到有部咖啡機,應該係即磨貨色,唔錯!!只係自己加多左糖水,搞到杯啡甜左,唔係應該更好味。

服務方面都ok,由於餐廳比較大但得2位侍應小姐,所以有時候係搵唔到佢地,但另一個角度睇,係呢度就唔驚有人望住你食野,好relax!!我自己覺得呢度真係好適合我玩自閉,正!!!

見倒呢度o既食評幾positive, 價錢又相宜, 就同朋友o黎食晚飯. 環境唔錯, 個mood 都幾o岩約會, 不過好奇怪, 一邊有英文情歌播放之餘, 又有個電視播緊翡翠臺? 當晚有兩大檯人gathering, 兩檯d人都好high, 所以都幾嘈.焗田螺: 一般.Parmesan cheese龍蝦盧荀扁意粉: 龍蝦肉幾多, 盧荀就好少, 個linguine唔太淋但絕對唔夠al dente, 口感可更好. 成個dish好\"茄\", 食唔倒d咩芝士o囉; 份量幾大. (要讚o係pasta o既choice 有蕃咁上下vareity, 又可以轉咩pasta都得, 我好欣賞呢種flexibility)紐西蘭西冷扒(in garlic sauce): 叫medium o黎左rare, 不過個waiter好禮貌幫我地拎去廚房整過. 扒質可接受, 加埋roast potatoes同豆角, 朋友都食得幾滿足.甜品o係(應該o係)橙味mousse, 幾清新, 口感都唔錯.嘉士佰啤酒: 第一杯有陣金屬味, 飲唔倒, waitress 肯幫我地換過. 第二杯都o係唔知點解好難飲, 朋友堅持佢\唔o係飲緊嘉士佰, 不過費事再換, 勉強飲左杯野.服務其實非常好, 個年輕女侍應非常有禮, 有耐性, 好pleasant. 可惜o既o係, 佢唔o係好聽得明英文.

睇左呢度評語, 昨天去試, 地方偏少少, 唔難找.地方ok, 因為客不多, 有卡位坐. 食物ok, 唔難食, 但唔可以話好好味. 志在可以慢慢坐, 傾下計.好怕好似朗豪坊d食肆, 一多人, 侍應不停係你身邊轉, 壓迫感好大. 價錢似一般餐廳, 唔太貴, 3個人埋單394, ok啦. 侍應就真係....有時間都唔好企埋傾計, 比人好唔pro感覺.

冬至，好朋友推介o黎依度食飯~ 餐廳位置偏僻，但內部環境真係好好，又寧靜又舒適~　餐單上任何主菜都可以加charge轉餐，選擇自由度幾大，唔錯~ 我同朋友揀左廚師推介o既美式燒豬肋骨同芝士焗牛仔腸伴薯蓉，又加charge要埋焗田螺、Caesar Salad、法式洋蔥湯、甜品同drinks；總之叫得就叫~ 　焗田螺同Caesar Salad先上，味道唔差又未至於驚喜。

法式洋蔥湯(Origoon Gratince)就真係要讚，香濃滋味無以上之!!連平凡o既餐包都俾佢襯托成人間美味~ 主菜o既ribs唔係差，不過普通o既肉質有少少浪費個美味o既sauce~ 牛仔腸好大份，又加上芝士係十個滯；味道ok，不過食多左會有d悶~ 　勁飽，到最後甜品o既mousse已經食唔出味。

但跟餐o黎講，依度算有誠意~ 最後嘆埋熱檸茶時，waitress仲送上x'mas gift，好surprise!!其實成晚都食得好舒服，走時仲可以o係樓梯簽名，好得意~ 依餐朋友請唔知幾錢，但應該都唔會太貴~ 所以我覺得依度係食得過~ ^^

剛考完試,終於有時間搵食下飯,想搵間好坐,無人趕既餐廳,於是今晚7點同友人黎呢度食dinner.位置確實幾僻,門面一點都吾起眼,7點去到,得2臺客.到走既時候(9:15)都系得3成滿,可能新開既關係.燈光昏暗,有卡位坐,傾計一流!2個女仔叫左香草xx闊麵$5060,拿邦那扁意$58,caesar salad $44香草xx闊麵份量一般,綠色闊麵上灑上香草,味道偏淡,闊麵亦欠口感,麻麻地!拿邦那扁意粉呢款好得多!煙肉及吞拿魚碎灑面,白汁頗香,食落吾會太膩.意粉亦頗煙韌!caesar salad份量跟美國餐廳有得比!romaine夠新鮮!若dressing濃味點會更好!服務則有待改善,男侍應呆下呆下似夢遊.埋單$190,系酒店裏面咁既相當+環境相當合理!

Alpha餐單提供西式, 西餐廳, 酒店餐廳等推介美食位於佐敦區，餐廳座位數未知人均消費約$51-100，結賬可以用Visa,Master,現金。

您對於佐敦餐廳「Alpha」有何 comment？

Alpha餐廳詳細資料：

• Alpha地址:
  佐敦志和街中興酒店1樓
  Alpha, Chung Hing Hotel, Chi Wo Street, Jordan
• Alpha電話:  
• Alpha價錢: $51-100
• 分類: 西式, 西餐廳, 酒店餐廳
• 座位: 未知
• 付款: Visa,Master,現金
• FB專頁: Alpha Facebook

更多Alpha相關資料:

• Alpha分店
• Youtube
• Facebook
• Twitter
• Google