山崎麵飽 九龍塘

山崎麵飽 評價 相片

今日買早餐，比門口個萬聖節牌吸引！地方光猛乾淨，麵包款式多，但唔係傳統款式，價錢亦偏貴，入去買個萬聖節「南瓜蕃薯包」（蕃薯蓉同南瓜都like)，再見到個「綠茶紅豆扭扭包」（又係比紅豆吸引）比錢時見有西柚汁，要一支試下！返到公司先食！每個包一個膠袋，又加個外袋！都幾唔環保！南瓜蕃薯包麵包用個萬聖節南瓜公仔紙兜裝住，麵包鬆軟，餡料係蕃薯南瓜蓉，打得好滑，但兩種味都唔係好出！如果只用一種會特出啲，包面有片南瓜之外，仲有好多葵花子，好脆口，口感豐富！綠茶紅豆扭扭包長條形狀，糖粉灑滿包面，綠色麵包似酥皮包，但比糖粉遮掩了味道，又長條形扭曲，唔可以藏太多紅豆，所以味道亦唔出！不過若只計一條糖粉酥皮扭扭包，味道係好味的！無冬甩咁膩！西柚汁細細枝，飲落唔係好甜，（不過睇標籤細細枝有38克糖）味道唔假，唔錯！店員好爽手，有八達通比錢！交收好快！兩個麵包加枝飲品就$34！略貴！

夜晚番公司開會，經過山崎買個包醫住肚先，不嬲都幾鐘意山崎啲麵包，尤其係袋裝果啲，有好多種選擇，次次都要唸好耐先揀到買邊隻好。

今晚買左條黑糖美味棒，好大條都只係十蚊。

美味棒外層係黑糖味既麵包，仲黑糖味唔算太突出，。

中間既餡係cream,第二啖已經食到，食個包入面都係cream好足料，啲cream食落有少少膩，不過甜甜地同外層既麵包好夾，好好味。

好耐之前曾經食過一字山崎的麻薯波波，覺得好硬好唔Q但有日放學見到山崎，咁啱又未食野，就比多次機會山崎啦！$14/6揀左芝士味，朱古力味同綠茶味芝士味同綠茶味都幾好咬口，in in un un但會比A1/das gute 冇咁彈芝士味幾濃味，唔錯的綠茶味中間有少量紅豆，唔會好甜，味道唔濃但都ok但朱古力味就好唔得，又硬又唔濃味，徙氣！！！

身為窩夫迷的我知道Yamazaki 推出窩夫~當然要會一會佢我買的時候只有原味, 花生味和朱古力味原味應該無咩特別 , 所以買了花生味 ($8) 和朱古力味 ($8.5)花生粒不算多 , 也不是脆身的...配上軟軟的暖窩夫 (我叮過)口感都幾好~~甜度同鹹度都岩岩好~~~表面有朱古力醬 , 窩夫內夾有朱古力碎粒 (但唔多, 我好似只見到12粒)全部的朱古力味都黎自朱古力醬 因為本身窩夫無咩味, 所以甜度岩岩好~~~好味~~~心思思買左佢 , 因為眼見佢真係好"朱古力"點知食落....除左朱古力碎粒 , 蛋糕本身只有甜味 , 完全無朱古力味!!!!!結尾: 原本對 Yamazaki Bakery 無咩好感, 但係試完佢既窩夫之後改觀而且佢都有賣日本風格既麵包 (eg: 紅豆餅 , 麻糬等) 等我下次試下先~~~報告完畢~~~

最近經過九龍塘車站多了, 光顧YAMAZAKI都相繼多了. 在上下班的繁忙時段, 看到面包店同樣忙碌. 今次試試它放櫥窗內的三文治. 確是有點貴~ 芝士火腿三文治以往吃開包類都熱食, 今次是凍食有點不習慣, 加上一照早就吃冰冷的...雖說是芝士加火腿, 其實餡料相當豐富, 有新鮮香甜蕃茄, 一大片青瓜. 而芝士遇熱會溶掉, 就可黏著其他食材一同吃~火腿也一整片.只是加起來冰冰的食慾減低.下次試試加熱, 效果應該不錯!

山崎麵飽餐單提供日本菜, 麵包店等推介美食位於九龍塘區，餐廳座位數未知人均消費約$50以下，結賬可以用現金。

您對於九龍塘餐廳「山崎麵飽」有何 comment？

山崎麵飽餐廳詳細資料：

• 山崎麵飽地址:
  九龍塘港鐵九龍塘站19號舖
  Yamazaki Bakery,  
• 山崎麵飽電話:  
• 山崎麵飽價錢: $50以下
• 分類: 日本菜, 麵包店
• 座位: 未知
• 付款: 現金
• FB專頁: 山崎麵飽 Facebook

更多山崎麵飽相關資料:

• 山崎麵飽分店
• Youtube
• Facebook
• Twitter
• Google