鮨燐 上環

鮨燐 評價 相片

最近冇得飛日本，唯有留喺香港食Omakase，順便食埋生日飯。

朋友就話不如揀呢間餐廳，喺港島區，近近地。

我個friend知我鍾意食壽司，就揀咗壽司Omakase！汁煮白梅貝好鮮甜，平時少見，口感有彈性。

日本木魚湯茄子凍，上面有京蔥，配搭一齊食有鮮味而且爽口清新。

跟住就到14件壽司嘅旅程：蜜柑鯛配埋豉油Wasabi，蜜柑味特別清新。

赤貝配上青檸及柚子，溫度適中，味道鮮甜又爽口。

深海池魚肥美，新鮮又香滑，。

笠貝平時比較少食，加青檸爽口而且fresh。

金目鯛燒後有魚油香味，彈性十足魚肉滑嫩。

扇貝配柚子，清甜味道吃得出新鮮。

牡丹蝦配蝦膏，蝦肉彈牙而且味道香濃。

鰆魚比較特別， 肉質特別鮮美同時有魚香。

松葉蟹壽司連蟹膏更有滿滿的鮮味。

梳子魚加芝麻燒，令清新的魚補上鹹香。

池魚特別在上面有3色漬物：麵豉、蔥花、薑蓉。

令整體口味特別濃，味蕾吃得出有層次。

馬糞海膽軍艦超級高質素，入口即化而且味道鮮甜濃郁！！好彩食到呢度仲有胃口～中拖羅（中吞拿魚腩） 顏色紅中有粉，肥美又鮮味，油香十足。

左口魚邊壽司表面配料帶點微辛，口感近乎入口即化。

最後飲埋湯同食甜品就完結啦，甜品綠茶味香濃原來係自家製，上面嘅黑豆亦都好甜，同個甜品夠match。

另外值得一提嘅係佢會提供信封擺口罩，酒精濕紙巾同埋消毒搓手液，亦會定時間換茶同埋熱毛巾。

份量啱啱好，咁就唔使頂住個胃！

近日疫情稍為好轉，在家工作多日有點納悶，係時候外出走，同朋友食餐好嘅，吹吹水，緩和多時心中悶氣啦! 朋友介紹呢間日式食店，係師傅發板食店，位於上灣地鐵附近，店內裝修比較西日式的簡潔，我們被安排坐在面對料理師傅的Bar枱，師傅會根據當日新鮮食材為客人主埋各項菜式，我地點左 $1,480 套餐，包括刺身，夀司，前菜， 和食，湯以及 甜品 首先要讚揚店員的細心，一早預備好信封，搓手液等防疫物品放置於枱上供客人使用，令人食得更安心! 而且店員料到師傅也會逐一介紹每道食物， 好幾次主動更換熱茶, 真感受到小店的待客熱誠!!生湯叶 – 滑滑腐皮滿有豆香宮畸茄子凍 茄子入上湯做成Jelly 的質地 – 特別而且開胃右口魚刺身，擦上砦鹽 – 特出魚的鮮味北海道海䐯片，加醋啫喱，岩鹽 – 更加爽口，口感更好鰆魚 (膠魚) – 火炙， 特別油香肥美鯖魚，刺身上放八板昆布，經火炙，加檸檬汁 – 鮮味之餘味覺更多點層次瑩光尤魚 – 師傅話係當季產物，味道好特別，帶點腐乳咸香味道銀雪魚，超拖羅，吞拿魚腩，大拖羅 – 超肥美，豐富油香 師傅介紹食完刺身之後，來熱湯暖一暖胃最好不過，金目鯛魚湯，配黑七味粉 – 鮮甜味之餘帶點刺激的味覺深海池魚壽司，帆立貝壽司，赤貝壽司，海膽壽司，吞拿魚醬漬柚子味，左口魚裙邊壽司 – 新鮮食材高質素的壽司，師傅做的壽司飯，真有係身處日本食壽司的感覺，飯暖暖帶點微酸，雖然已經好飽，但一點都唔覺得滯的感覺酸梅素面 酸梅湯好醒神，味道剛好抹茶乃凍 – 喜愛的抹茶香滑乃凍，完美的結束 師傅發板的料理雖比一般日式食店消費較高，但以食物質素加上細心待客，絕對值得encore !

Omakase 食過好幾間，這間鮨燐算是我食過最值得再來的一間😬😬店員服務酒店級，非常細心問我地有咩吾食，有信封、搓手液👍👍餐牌簡單，有選擇困難症都吾怕，選了＄1480 set先付是日本京都腐皮，好滑好香豆味，加芥茉更開胃😜再來炸白飯魚，一凍一熱，胃口打開曬刺身都是較珍貴的日本空運貴價魚右口魚，味鮮，較淡，配上蔥花，略點醬油已經很突出😌北海道響螺片，睇住師傅一流刀干，加上調味啫喱，好獨特，螺片爽脆鮮甜，啫喱軟滑，口感層次提升😬針魚刺身估唔到如此爽口彈牙，質地結實，做刺身很適合👍👍赤龍魚，師傅用大火炙燒，把魚油散發出來，加上焦香味，正！銀雪魚，煎就經常吃，火炙刺身原來口感也不錯，有點像大拖🤣🤣瑩光尤魚，口感爆漿，好濃郁的味道，真的驚喜大拖，沒看根，肥美到一個點🤩🤩吞拿魚腦天，如此矜貴的部位，真是回味燒鮫魚，魚油豐富，魚肉扎實，一梳梳的🥰橘子啫喱，中途清一清口腔牡丹蝦點上蝦髙更提鮮赤貝爽脆鮮味，好大一隻，刀工了得！海膽份量超多呢，鮮味沒法擋，creamy 口感係口腔停留多一陣先🥰🥰赤身用酱油漬的做法，另有一番風味，比起平時食法，過之而無不及右口魚裙邊算是我最愛壽司之一，火炙將滿滿香濃魚油與壽司飯融合，極品😋😋面豉湯係一輪凍食之後，飲一小碗好舒服最後品嚐埋黑豆抹茶奶凍就prefect 拉，自家製特別滑🥰🥰一家最愛的廚師發板店，由頭到尾都亨受，絕對對得起價錢😌😌

一連四日嘅假期即將開始，#小秘書 冇特別安排節目，反而想好好收拾心情，下星期回歸正軌... 不過呢個都係我一廂情願嘅諗法，我班朋友又點會放過我🤪今晚放工已經有人約咗我去#上環 食飯， 話要化悲憤為食量喎😅 ...即管陪佢癲吓。

原來佢喺 #上環蘇杭街 book咗間專門做 #Omakase 嘅 #日本餐廳「鮨燐」，話要慢慢食、同我吐吓苦水😏 餐廳裝飾得都幾骨子，開放式廚房，用瓷磚砌成魚鱗狀做背景，好有特色。

餐廳分兩層，我哋被安排坐喺地舖，座位用高身嘅透明膠板阻隔，食客與食客之間可以保持標準距離，而每張枱上面都有 #搓手液、#信封 比客人放口罩，極之細心。

#服務員 先為我哋介紹餐牌嘅內容，師傅就我哋嘅要求，開始為我哋準備食物。

人哋話明要化悲憤為食量，點可以對佢刻薄，#前菜、#刺身、#和食、#壽司、#湯、#甜品 通通都有🤩師傅先為我哋做嘅前菜係 #生湯葉（原來係用腐皮放湯），好有豆味、再加 #茄子凍，好醒胃😋之後就開始上我最愛嘅 #魚生刺身，仲順便跟師傅上左一課...🐟將 #右口魚 喺 #岩鹽 上刷兩三吓，鮮味特別濃郁🐟 #海螺片 上面放上岩鹽、#醋啫喱，口感待別🐟季節限定 #鰆魚（即係膠魚）、#螢光魷魚 #魷魚春 散發特別嘅鮮味，唔係問師傅我仲以為加咗蝦醬添🐟 #鯖魚 上面加咗 #八板昆布、#柚子，好清新🐟新鮮 #銀雪魚、#中吞拿魚腩，仲有用紫菜包嚟食嘅 #大吞拿魚腩，充滿油香👍🏻👍🏻食到呢度其實都已經好滿足，師傅特別炮製咗個 #金目鯛野菜湯 俾我哋清一清味蕾，加入特有嘅 #黑色七味粉 落湯，好惹味😋以為都差唔多啦，原來好戲在後頭，師傅為我地準備左幾款 #壽司🍣 #池魚🍣 #帆立貝🍣 #赤貝🍣 #馬糞海膽🍣 #吞拿魚醬漬🍣 #右口魚裙邊樣樣都咁鮮甜，尤其係師傅喺帆立貝放上濕紫菜、用 #醬漬 浸過啲吞拿魚，都好有唔同嘅層次感👍🏻👍🏻最後師傅為我哋做咗個 #梅子湯麵、#綠茶奶凍 做完結。

濃濃嘅梅子味道清香，好特別。

不過我最鍾意嘅反而係個綠茶奶凍，滑嘟嘟嘅口感夾雜濃郁嘅綠茶味道，令到本來 #大發牢騷 嘅 #朋友仔，都因為滿足嘅一餐而平靜落嚟😉價錢雖然係高級咗啲，不過 #整體嘅服務、#食物質素 都係高水準嘅。

最重要係我朋友開心，幾多錢都值啦👍🏻👍🏻👍🏻

因為疫情，餐廳都有一啲位置上嘅限制，反而對我來講變咗更加有信心，因為同其他陌生人嘅距離更遠！今次就同一位朋友去食Omakase～簡單介紹吓！前菜：汁煮白梅貝好清新，尾部都可以食；京都嘅腐竹味道清新似豆漿，加埋Wasabi香好多！刺身：蜜柑鯛魚平時少聽，原來係用蜜柑餵魚！！所以有啲柑味，有蔥，加鹽味好鮮甜；響螺好得意切到好薄，口感特別爽口，上面有啲桃啫喱和柚子皮，加少少豉油提升鮮味；鮫魚口感比較林，但係都好正，原來係落咗清酒及鹽燒，香好多；鯖魚上面就加咗啲紫蘇葉&芝麻&白昆布，令到個味道好有層次，酸酸鹹鹹咁；銀雪魚平時比較少食，真係好新鮮，淨係加啲柚子胡椒就夠香，不過我都係鍾意熟食多D～螢光魷魚燒咗仲好有彈性，裏面爆膏正合我意；燒紫菜拖羅好香口，入口即溶又熱辣辣，好多魚油！桔嘅jelly清味蕾，甜甜地，好清新！煮金目鯛好吸引，裏面有多款不同蔬菜，不過最吸引都係個魚，顏色靚之餘時間都覺得啱啱好，個湯入味個魚依然好香！壽司：深海池魚口感比較彈牙，加埋木魚絲更有層次；針魚味道比較清新，亦爽口；牡丹蝦連蝦膏好特別，夠晒鮮味；馬糞海膽超高質素，入口即溶又鮮甜；松葉蟹肉鮮味十足又好香；火灸左口魚邊入口即溶，正！飲返個湯先！甜品就抺茶奶凍，味道香濃有黑豆，豐富～

鮨燐餐單提供日本菜, 壽司, 刺身, Fine, Dining, 廚師發辦等推介美食位於上環區，餐廳座位數未知人均消費約$801以上，結賬可以用Visa,Master,現金,AE,銀聯，Booking訂位可以電話致電 25671168 查詢。

您對於上環餐廳「鮨燐」有何 comment？

鮨燐餐廳詳細資料：

• 鮨燐地址:
  上環蘇杭街126-128號地下D舖
  Sushi Rin, Shop D, G/ F,126-128 Jervois Street, Sheung Wan
• 鮨燐電話: 25671168
• 鮨燐價錢: $801以上
• 分類: 日本菜, 壽司, 刺身, Fine, Dining, 廚師發辦
• 座位: 未知
• 付款: Visa,Master,現金,AE,銀聯
• FB專頁: 鮨燐 Facebook

更多鮨燐相關資料:

• 鮨燐分店
• Youtube
• Facebook
• Twitter
• Google