茶軒台灣料理珍珠奶茶 上環

茶軒台灣料理珍珠奶茶 評價 相片

今日原本想去茶餐廳食lunch，但太多人排隊，所以過去對面嘅茶軒。

我叫咗個棑骨擔擔麵 + 檸檬綠茶（$48），我的朋友就order咗排骨糯米飯 + 檸檬綠茶（$48）。

排骨擔擔麵 同平時的擔擔麵不同味，有啲蝦米味，麵質也有啲煙韌，味道唔錯，排骨不夠熱也不香脆，味道還可以的。

排骨糯米飯 糯米飯味道淡咗啲，排骨味道ok ，但嚡咗啲, overall 一般啦。

檸檬綠茶 味道ok。

埋單$106

我出街食早餐，通常選擇 Menu 中比較貴嘅餐，因為會較為豐富！ 可以滿足我嘅食慾之餘，又可飽肚！簡約裝修幾舒服！茶軒早餐由 $18 ~ $26 ，好抵食！朝早食煎嘢，不太健康！公仔麵我已經棄食很久！所以選擇醒神全餐 $23 火腿、炒蛋、牛油多士 火腿凍冰冰 、炒蛋算 OK! 牛油多士切開一半去烘！脆脆地好滋味！ 肉燥新竹米粉 可能係我食完火腿、炒蛋、牛油多士之後食新竹米粉，發覺新竹米粉已經腍咗！ 份量幾多！肉燥加入冬菇幾惹味！熱好立克 勝在大杯夠飽肚！屬一般濃度！

因為做行街O既關係,經常性1個人去唔到地方做野!!~今日就"貢"左去上環果邊做野又係1個人的午餐~~~~咁當然又係去食我最愛o既台灣野啦!!!例牌菜花枝丸同珍珠奶茶就走唔甩架啦!!今次就點左"花枝丸米粉""珍珠奶茶",另外加多個"肉沫A菜"呢度上菜o既時間唔算耐,落左單冇幾耐就有野食嚕!!!幾欣賞呢度d米粉,因為比出面果d幼身好多!好滑易入口!! 因為本人麻麻地鍾意食粗果d米粉,感覺好"鞋"冇咁滑!雖然係清湯,但又唔會淡到好似滾水咁,唔錯唔錯!又到左我最愛o既花枝丸啦,大大粒有咬口,very good I'm lovin' it!!!珍珠奶茶就中上,都夠濃,珍珠都多,不過略嫌d珍珠冇咩味!!!而且個size都ok,唔會好似出面咁細細杯!~飲到到喉唔到肺!!肉沬A菜就冇咩特別~~不過就油左少少!!整體上呢餐都算唔錯!!~10分裡面我會俾到佢8分!!有機會再去上環做野都會再o黎!!

趁有假期，抽空「過大海」玩了兩天，預祝老婆仔生日。

回來時候已經不早，不想再四處搵食，在信德隨便找個地方醫肚，結果來了這間從沒幫襯過的「茶軒」開餐，吃一頓遲來的晚餐。

去到的時候這裡的食客其實已經不多，我們兩夫妻更是最後埋單的一檯客，都算好彩。

比我們遲來的一些客人，已要吃「閉門羹」呢！隨便叫了兩個晚市套餐：1）「鹵蛋肉燥飯」（$38）：這飯的味道偏濃，肉燥頗多，水準尚佳。

2）「石盅三杯雞飯」（$58）：這飯的味道比鹵蛋肉燥飯來得更濃，醬汁濃郁得過火了點，顯得過猶不及。

部分雞肉烘燶了，不過雞肉和配料的乾蔥、蒜子等都很入味。

兩個套餐都附送「花枝丸湯」一碗，跟餐的餐湯當然不會有太大期望，這「花枝丸湯」味道一般，是常見的下了「師傅」的質素，花枝丸也不夠彈牙。

至於兩杯餐飲，無論是「檸檬綠茶」還是「椰香奶茶」，味道就都正正常常，不過不失，雖沒甚驚喜，也不是太差。

總的來說，這頓晚飯價錢不貴，食物味道也不太差，都算過得去啦！話時話，回家之後，一看這裡的食評，才發覺這裡的評分低得厲害，竟然只得2.5分，要是自己先看這裡的食評的話，就一定不會幫襯的了，不過現在既已試過，回心一想，平心而論，這裡也不是差得那麼厲害呢！

七月十二日 (星期一)有去澳門的船票優惠,今天下午本想來買的豈料要出發前一天才可購票...白行一趙算了,總要食lunch的,隨便選了不用排隊的茶軒連日征戰,兩口子的腸胃都有點不妥當(尤其是我)今日正好清一清腸胃我先選了手製餃子米粉,而老公仔則選花支丸米粉兩個都用了清湯,米粉比出面吃的幼很多,有點像粉絲,不過較軟身至於手製餃子和花支丸都不錯,餃子餡肉豐富,而花支丸則頗彈牙有咬口輕輕鬆鬆,帶點肚餓回公司

茶軒台灣料理珍珠奶茶餐單提供台灣菜, 台式飲品, 粉麵, 米線等推介美食位於上環區，餐廳座位數未知人均消費約$50以下，結賬可以用現金,銀聯。

您對於上環餐廳「茶軒台灣料理珍珠奶茶」有何 comment？

茶軒台灣料理珍珠奶茶餐廳詳細資料：

• 茶軒台灣料理珍珠奶茶地址:
  上環干諾道中168-200號信德中心2樓268A號舖
  Odeon Taiwanese Cafe,  
• 茶軒台灣料理珍珠奶茶電話:  
• 茶軒台灣料理珍珠奶茶價錢: $50以下
• 分類: 台灣菜, 台式飲品, 粉麵, 米線
• 座位: 未知
• 付款: 現金,銀聯
• FB專頁: 茶軒台灣料理珍珠奶茶 Facebook

更多茶軒台灣料理珍珠奶茶相關資料:

• 茶軒台灣料理珍珠奶茶分店
• Youtube
• Facebook
• Twitter
• Google