北海道牧場餐廳 上環

北海道牧場餐廳 評價 相片

5月2日假期，在上環區搵下午茶食，去左北海道牧羊餐廳。

其實我見餐牌上大半既食物同北海道同牧羊係無關係，早後我同朋友叫左個下午茶餐。

朋友既係牛肉意粉，我既係辣肉通粉，兩個既湯上面都有類似溶左既牛油咁，唔知係牛油定旦黃，賣相好難看，唔知係咪未攪拌好咁。

所謂辣肉其實只係五香肉丁。

意粉同通粉都過熟，太林，最後我地都只係食左個五香肉丁，同埋食哂個多士同火腿，因為呢幾樣都唔需要太多烹調。

凍咖啡又係好差，無咖啡味而且超甜。

好後悔黎浪費左金錢同時間。

之前在中環食過這店的另一分店，質素越來越差，後期已沒有再去了，到上環這邊見到有另一分店，更兼看到他們說推出港式早餐，姑且試試在這間分店吃個早餐，就點個火腿蛋麵跟咖啡，原來所謂港式就是連他們以前的濃雞湯改為出前一丁湯粉湯底，所以湯底就無謂提了，即是連雞湯底都慳埋，太陽蛋算是煎得有靈魂，入口嫩滑，但片火腿就薄如蟬衣，入口味道清淡，肉質有點削，而個麵就似乎未夠火喉，十分硬身兼且份量不像有足一個麵，最後這杯咖啡就不算太差，但也只是一般，有咖啡味，但不夠濃香，口感也不滑，總括來說，這早餐也未算合格。

12點前仲有早餐, 同同事一齊嘆番個靚早餐先~新裝修左...坐得更多人...但感覺好迫...以前29蚊ge早餐...變左33蚊多士一樣咁厚..表層烘得夠香脆...包身都夠鬆軟...依然值得食~滑蛋...就感覺好似細舊左...不過勝在炒得夠香滑...呢度d炒蛋真係冇得輸...一切落去會有蛋漿流出黎炒得好香, 好juicy, 但個面明明已經係熟左ge蛋皮黎...食落好有層次...讚!!!但個火腿通粉就差左好多啦...以前明明係好濃ge金寶湯底...而家唔知係轉左第2隻定係溝得太淡....個湯完全冇味. 要自己落埋佢支出前一丁麻油先叫好少少...比起以前...加左$4 ,, 雖然服務有好左少少...但通粉同環境令人有d失望...  

其實聽過呢既餐廳個名好耐架啦, 但係一直都未試過, 今日晏就決定去try try佢!同同事去到坐低叫左一人一個餐, 食物款式都離不開炒蛋, 多士加通粉!叉燒通粉餐通粉有d硬, 好似未煮夠, 湯太少, 通粉好乾!!!叉燒就正常味道啦, 有3塊, 都夠食既!加左錢轉奶醬多, 好多花生醬同奶, 不過塊多士唔夠脆! 炒蛋係滑既, 不過火腿好乾!!!叫左熱飲, 不過用細細隻紙杯裝, d刀叉又好似洗得唔係太乾淨, 感覺唔太良好!!!總括黎講, 佢係算貴價少少既中式常餐, 食物份量都大既, 不過上環呢間既食物質素就真係一般啦! 唔知其他分店會唔會好少少呢?!

難得唔使番工去上堂~ 走左出來食個BRUNCH自中環果間汁左之後, 一直好恨食北海道, 今次有機會LU!~去到11點, 仲係早餐價, $29 +$5 凍飲, 抵呀!凍華田, 有D華田粉係面, 飲落有D粒粒咬下, 好正, 次次來都會叫呢樣通心粉唔夠SALTY...太淡口了今日無得加幾蚊轉WAFFLE太可惜啦,不過佢個炒蛋依然咁正, 夠晒滑, 多蛋汁, MY FAVOURITE 啊~~~~~~~~

北海道牧場餐廳餐單提供港式, 甜品, 糖水, 咖喱, 茶餐廳, 冰室等推介美食位於上環區，餐廳座位數37人均消費約$50以下，結賬可以用現金,八達通。

您對於上環餐廳「北海道牧場餐廳」有何 comment？

北海道牧場餐廳餐廳詳細資料：

• 北海道牧場餐廳地址:
  上環永樂街8號地下
  Hokkaido Dairy Farm Restaurant, G/ F,8 Wing Lok Street, Sheung Wan, Sheung Wan
• 北海道牧場餐廳電話:  
• 北海道牧場餐廳價錢: $50以下
• 分類: 港式, 甜品, 糖水, 咖喱, 茶餐廳, 冰室
• 座位: 37
• 付款: 現金,八達通
• FB專頁: 北海道牧場餐廳 Facebook

更多北海道牧場餐廳相關資料:

• 北海道牧場餐廳分店
• Youtube
• Facebook
• Twitter
• Google