Kaffeine 上環

Kaffeine 評價 相片

放假好想食個豐富早餐，飲杯咖啡慢活下，上環呢區最多呢類型Cafe，今次去呢間Kaffeine亦係其一，裝修簡約舒適，以木系為主，早餐有幾款可以揀，如全日早餐、早餐漢堡、煙三文魚牛角包、法式多士等，平均人均一百頭左右🍔早餐漢堡 8/10漢堡好吸引，見住蛋汁同芝士都漏出黎🤤配料有煙肉、大烤菇、芝士同炒蛋，漢堡有用牛油烘過，好香好脆，牛油以外就冇加其他醬汁，蛋一部分炒得好滑，一部分就比較熟🙈菇好juicy，整體都幾有驚喜，唔會覺得好頹🤣🥗大早餐 7.5/10因為有sourdough所以想試下，不過sourdough有點腍，如果烘耐d會更好，同埋牛油味唔重，豬肉腸都幾surprise，入面夾左芝士，幾好食😋炒蛋滑溜，炒菇正常，合格以上早餐食到最後見到有網店 Grandma’s Scone Menu，主打賣英式鬆餅，款式眾多，如：柚子烏龍、焙茶麻糬、榛子可可、伯爵茶等，就買左兩件外賣返屋企慢慢嘆英式鬆餅 $70/2件價錢已經包埋Cotted Cream及士多啤梨果醬，濃淡相宜，酸爽開胃😋不過鬆餅本身都好夠味，不用加醬食已經好食Baileys & Lotus Biscoff 7.5/10鬆餅外型有別於傳統鬆餅，外層脆身，中間濕潤蓬鬆，不加雞蛋，反而更突出牛油香☺️表層及內層加入Baileys甜酒，香氣馥郁，不過Lotus焦糖餅味就唔係咁出🙈店員會幫忙整熱，鬆軟不乾，整體不錯Yuzu & Oolong Tea 7.5/10一開始以為比錯左🤣綠色以為係抹茶味，但一切開就聞到淡淡柚子香，愈食柚子味就愈濃，相反烏龍茶味略為被蓋過

人氣外婆英式鬆餅網站係由藍帶甜品師主理，主打一系列新派鬆餅，口味多吸引左好多網友訂購。

英式鬆餅一向都係外脆內軟，牛油香氣重，雖然邪惡系食品但其實我雪櫃都常備Brown Scone每次食少少頂下心癮。

.Grandma's Scone 由網店做到轉做實體店 Kaffeine 售賣自家鬆餅、咖啡同唔同早餐類餐點。

實體店比網店低門檻，只需每次選擇兩件英式鬆餅，唔需要再一口氣買足8件然後搵手自取或搵街車送貨，實在方便得多。

.任選鬆餅兩件💲70/2 ⭐️3.5/51️⃣Baileys & Lotus Biscoff 鬆餅2️⃣日式焙茶麻糬鬆餅餐牌有成十款口味選擇，令人花多眼亂。

鬆餅餐會配自家製士多啤梨醬同Clotted Cream。

第一次買，當然要試佢地最有人氣既Baileys x Lotus 同焙茶麻糬鬆餅。

鬆餅外脆內濕潤質感幾好，雖然話用上低糖配方，但Baileys & Lotus Biscoff 口味都偏甜。

我食到好香焦糖味，但就唔太覺Lotus 餅同酒味。

相對上焙茶麻糬比較清新，焙茶味唔算重但夾心麻糬幾煙銀，配咖啡還好。

.Dirty 💲42⭐️2.5/5咖啡上檯前已經將Espresso倒入凍奶，仲要已經混埋哂變左普通奶啡好唔Dirty下。

咖啡味偏淡有點似飲奶，呢個項目應該唔係佢專科，少少浪費左我是日Quota。

.結論：Grandma's Scone 確係質感幾好，款式亦好有新鮮感，但可能平日食開清淡口味全麥鬆餅Brown Scone ，係極少甜少油麥感極重版本。

當甜品食還好，但早餐就唔係太習慣呢種甜度同牛油度比較高既英式鬆餅。

.不專業食評 nei.foodie

因為計畫去既餐廳晚市未夠鐘開，所以同朋友想搵個地方坐一陣先。

黎到其實已經好晏，差唔多5:30pm， 但唔想去咁遠，一於入座同博下睇下今日有無機會食到阿嫲scone其實之前黎過kaffine，仲要上午黎，但好不幸地嗰日去到賣曬想試食既scone😕皇天不負有心人，今日終於食到啦🥳少少地同朋友order左1. Baileys & Lotus Biscoff2. Hojicha mochi 🌟兩個都真係好好食，所有味都好夠濃，mochi夠軟糯～個人幾鍾意個士多啤梨醬🍓😋 應該自製，唔太甜，果肉細緻，絕對唔係外面隨便買一罐jam咁黎到kaffine，當然少不了咖啡，今次order左個dirty mocha雖然都有揀豆要fruity/winey，但個人就唔係好飲得出個winey味，似乎比濃濃既可可味蓋過左，最後真係似飲緊朱古力奶，配埋scone也不錯喔😌

早前偶爾喺尖沙嘴一間cafe食到𠵱間香港出品嘅scone，念念不忘，今日特登去上環蘇杭街Kaffeine買外賣🥡。

嗌咗榛子可可同埋伯爵奶茶，($70/2)，連兩小盒homemade strawberry 🍓 rhubarb jam同clotted cream，我用微波爐(800w)加熱30秒食，內外都熱辣辣，焗爐翻熱相信更好，可以參考返佢哋官方IG個scone 幾大個，內脆內軟，表面似曲奇🍪，入面好濕潤。

朱古力味嗰個榛子香噴鼻而至，未食已覺迷人，加埋微甜嘅朱古力味，有少少似金莎，最正係唔死甜，有啲甘苦滲出，百感交集。

伯爵奶茶配手沖咖啡一流，茶味突出，入口先嚐到茶嘅甘香，之後係輕巧嘅甜味。

據說此品牌係用法國麵粉、牛油配日本牛奶，配埋藍帶廚藝，難怪有啲料到。

唯一美中不足係，雖然味道好，但收𠵱個價，我認為進取咗啲。

大家有興趣不妨試下，睇下同唔同意😂因為呢，點都值得試一次嘅❤️‍🔥(PS:堂食好似平啲咖）

📍 Kaffeine上環蘇杭街108號地舖.🤤Chicken Burger with Spicy Sidewinders Fries💰$128 (w/ soup).🤤Americano (Seasonal Blend: Gun & Rose)💰+$15.是日餐湯係磨菇湯幾厚身 飲到磨菇碎 口感同味道都幾好餐廳應該係輪住供應唔同湯 rather than全日同一款臨走之前聽到是日餐湯變咗南瓜湯.平時好少食burger會揀雞因為牛同burger夾啲但今日唔想食紅肉 就揀咗chicken burger包皮有烘過 好脆身蛋一切落去流心 雞煮得好嫩再加埋牛油果 呢個組合好和諧好文青好健康好扁平 幾易切 今次扮lady用刀叉食了.薯條食唔到spicy 點埋茄醬直程係甜但無阻佢依然外脆內軟好好食.係超級眼瞓想飲咖啡先入呢間cafeI need a lot of caffeine!見佢個名叫Kaffeine 就算加錢都要飲啡啦諗住跟餐加錢嘅啡都係個啲hea嘢 點知仲有得揀house blend定seasonal blend 翻去後面menu 見到一個fruity一個winey 就揀咗後者飲落真係酒酒地 個人黎講好鍾意呢隻味道我真係無諗過呢間賣埋食物嘅cafe啲啡會咁好飲成日覺得好飲嘅啡應該喺coffee shop買 而唔輪到cafe凡事有例外之好好彩撞到今次嘅例外已經想翻兜呢杯americano了🤤.其實覺得都幾貴 burger叫價過百蚊 仲要唔包飲品呢個環境地段值唔到呢個價但食物同啡都高質 喜出望外

Kaffeine餐單提供西式, 咖啡店等推介美食位於上環區，餐廳座位數未知人均消費約$51-100，結賬可以用Visa,AlipayHK,支付寶,現金,八達通，Booking訂位可以電話致電 26395100 查詢。

您對於上環餐廳「Kaffeine」有何 comment？

Kaffeine餐廳詳細資料：

• Kaffeine地址:
  上環蘇杭街108號地舖
  Kaffeine, G/ F,108 Jervois Street, Sheung Wan
• Kaffeine電話: 26395100
• Kaffeine價錢: $51-100
• 分類: 西式, 咖啡店
• 座位: 未知
• 付款: Visa,AlipayHK,支付寶,現金,八達通
• FB專頁: Kaffeine Facebook

更多Kaffeine相關資料:

• Kaffeine分店
• Youtube
• Facebook
• Twitter
• Google